ვიზიტი პროფესიულ კოლეჯ "იბერია"-ში
დღეს 25 იანვარს ჩვენი სკოლის ეკოკლუბელების ხელშეწყობით მოხდა მეათე კლასელელებისათვის ვიზიტის ორგანიზება ქუთაისის პროფესიულ სასწავლებელში "იბერია".ეკოკლუბელებმა წინსწრებით წერილობით მიმართეს კოლეჯის ადმინისტრაციასა და სთხოვეს რომ მათთვის ჩაეტარებინათ პრაქტიკული და ლექციური სემინარი კოლეჯის სექციებში.კოლეჯის ლექტორ-მასწავლებლებმა გააცნეს მოსწავლეებს თუ რა შესაძლებლობა აქვს ადამიანებს პროფესიული განვითარების კუთხით საქართველოში.ლექციური აქტივობის შემდეგ ჩვენ შევძელით რომ გავცნობოდით კოლეჯის ხეზე კვეთისა და რკინის ნედლეულის დამუშავების ლაბორატორიას.მასპინძლებმა დაწვრილებით ესაუბრეს ბავშვებს თუ როგორ ხდებოდა კონკრეტულ დაზგებზე მუშაობა.ხის დამუშავებისას რა დეტალების გაკეთება არის შესაძლებელი ელექტრონულ დაზგებზე და რა უნდა დამუშავდეს აუცილებლად ხელით.ოსტატის ხელმძღვანელობით ბავშვებმა მიიღეს მონაწილეობა პრაქტიკულ აქტივობაში.კერძოდ,მათ შეძლეს სპეციფიკური ხელსაწყოს ჭოპოსანის გამოყენება.ამ აქტივობამ ძალიან დიდი მოწონება დაიმსახურა მოსწავლეებში.სახალისო პრაქტიკულმა აქტივობებმა და ძალიან საინტერესოდ გადმოცემულმა თეორიულმა მასალამ ბავშვებს გაუჩინა სურვილი რომ კიდევ ერთხელ სწვეოდნენ კოლეჯის უკვე სხვა ლაბორატორიებს.
No comments:
Post a Comment